من فضلك خد بالك أحنا شايلين جبال والمعين هو الله
اوعى تبص لصحاب الشركة أو المصنع على إنهم بس قاعدين يبعزقوا أو يفرتكوا فلوسهم وخلاص.
فيه ناس كتير فاكرة إن صاحب الشغل ما بيعملش غير إنه بيكسب ويصرف،
لكن الحقيقة مختلفة تمامًا… أغلبهم شايل على كتافه التزامات ومرتبات وديون وشركاء وناس في رقبته،
وفيه أيام كتير بتمر عليه ما يكونش معاه جنيه في جيبه!
اللي ظاهرلك إنه عايش مرتاح،
هو في الحقيقة ممكن يكون بيقفل الباب على نفسه وهو مش عارف يكمل الشهر الجاي إزاي،
وممكن يكون سايب عربيته واقفة عشان البنزين، أو بيأجل مصاريف بيته عشان يدفع للموردين.
ومن خلال شغلي قابلت ناس كتير من النوع ده،
ناس بتحارب علشان شغلها يعيش،
مش علشان يرفّهوا عن نفسهم… علشان يحافظوا على عيشة 50 أو 100 أسرة معاهم في الشغل.
وعلشان كده دايمًا كنت بقول:
الربح مش بس أرقام على الورق، الربح الحقيقي إنك تستمر… وتخلي غيرك يستمر معاك.
(ماجد الصاوي )
« “مبارك النجاح والتفوق! هذا إنجاز رائع يستحق الاحتفال. (Previous News)
Comments are Closed